كتب وإصدارات هذا الشهر: “رحلة عبر الزمن”، و”مسلسل ممغنط”

 

من الصور المرافقة لقصّة "مسلسل ممغنط": في مخفر الدرك. كتابة سليم اللوزي، الصور لجوزيه بيطار

يواظب المدوّنون اللبنانيون منذ فترة على إصدار العديد من الكتيّبات والكتب الالكترونية من كتاباتهم الخاصّة، محوّلين بذلك عمليّة التدوين تدريجياً إلى مختبر نشيط للنشر والكتابة. جديد هذا الشهر كتابين الكترونيين مهمّين لزميلين عزيزين.

الأوّل هو كتيّب علمي بعنوان “رحلة عبر الزمن” لحسين رمّال إصدار مدوّنة “شغلات وأفكار واشيا“، وهو من أربع حلقات حول “نشأة الكون”، “بداية وتطوّر الحياة على كوكب الأرض”، “تطوّر الإنسان” و”تطوّر الفكر الإنساني وأبرز نتاجاته”. وهو من الكتيّبات القليلة حول هذه المواضيع المتوافرة باللغة العربية على الانترنت (لتنزيل الكتيّب اضغط هنا).

الثاني هو مجموعة قصصيّة بعنوان “مسلسل ممغنط” لسليم اللوزي، إصدار مدوّنة “جدار برسم الإيجار” (اضغط على الرابط السابق لقراءة مقدّمة الكتاب). وهو سرد خفيف وشيّق بالعاميّة من وحي يوميّات المواطنين في لبنان على خطّ الباص رقم 4 الذي يجمع ذوي الدخل المحدود وكل تناقضات هذا البلد الصغير على مقاعده. يوميّات مسلسل ممغنط، التي ترافقها رسوم للشخصيّات وأحداث القصّة من إعداد جوزيه بيطار،  يتألف من 11 حلقة تتطرّق كل واحدة منها تقريباً لقضيّة أو مسألة اجتماعية تهمّ اللبنانيين (لتنزيل الكتاب اضغط هنا).

*  *  *

7 comments

  1. حسين رمّال · ديسمبر 19, 2010

    شكراً كثير صديقي ع هاللفتة النبيلة، وللحقيقة مش عارف اذا شكرتك من قبل ع هالمواضيع يل عم تكتبها وتعرض فيها كتب شهرية للقراءة من خلال مدونتك، يعني مثلاً ما جرّبت اقرأ جورج اورويل الا لما عرضت روايته 1984 انت هون، وعرفت وقتها قديش كنت متقاعس، وهلّق صرت عم اقرا للكاتب اكثر…
    بقى شكراً عن جديد، اذا بتكفي كلمة شكراً
    تحياتي صديقي

  2. بيسان, عن أنثى مختلفة · ديسمبر 19, 2010

    حلو…
    مبروك خاصة لحسين رفيق الدرب شي بيكبّر القلب هالشي يلي عاملو
    ويعطيك العافية طوني

  3. Adon · ديسمبر 19, 2010

    @ حسين،
    حسّون ما بدها شكر صديقي انت اللي عامل الشغل بالكتيّب 😀
    هوّي الأمل انو اللي مارق من هون يقرا أكتر وأكتر ويبني علاقة مع الكتاب بشكل عام لأن ما فيه شي بغيّر نظرة الإنسان للعالم حوله غير ما يقرأ أكتر.
    تحياتي

    *
    @ بيسان،
    هلا صبيّة ، وشكراً الك.
    يلا عقبالك جمّعي مقالاتك اللي بتحسيها بنفس الموضوع ومنعملها PDF ، واذا تحويل ل PDF كان معركج معك منتساعد فيه وبيخلص دغري.
    سلامي

  4. القط · ديسمبر 19, 2010

    تحياتي،

    كتب هذا الشهر رائعين، خصوصًا كتيّب الزميل حسين “رحلة عبر الزمن”.
    الكتب العلمية العربية قليلة و أنا سعيد لأن حسين قام بهذا المجهود، خاصةً لأن أسلوبه في الكتابة يسهّل نقل المعرفة إلى القارئ.
    شكرا لكل المبدعين في أوطاننا.

  5. C.Lina · ديسمبر 19, 2010

    What to expect as the world Runs Out of cheap oil!
    عم تمزح!، صرت أشعر باستهداف لشخصي الكريم كل ما مرقت هالفكرة بمحل.. cheap oil, peak oil، شي متل المرض هالكتاب على فكرة :p، هيدا وأنا بس قريت الـtable of contents.

    شكراً أيضاً لرمّال، قرأت السلسلة عن مدونته، وهلق رح احتفظ فيها بالكتيّب.

  6. salimallawzi · ديسمبر 20, 2010

    شكراً يا نينار على هذه الإضافة
    سأقوم بتحميل كتاب الصديق حسين، وسأقرأه ايضاً

    تحياتي يا مبدع من دخل الباص رقم 4

    شكراً

  7. Adon · ديسمبر 22, 2010

    @ القط،
    شكراً عادل. حاسس انه خلال فترة قصيرة نسبياً رح يكون فيه كميّة نتاج جيدة للمدوّنات اللبنانية وهيدا شي ايجابي كتير.
    تحياتي صديقي

    *
    @ كارولينا،
    لا مش عم بمزح : p
    ما تكوني عاملة تدقيق لهيدا الكتاب كمان؟ :p

    *
    @ سليم،
    ما بدهاش شكر صديقي.
    الباص رقم 4 بيتنا التاني : D
    تحياتي

التعليقات مغلقة.